Caerdydd Ffynnon Taf

Cefnogwch ein hymwelwyr iechyd GIG

Mae aelodau’r Blaid Sosialaidd yn helpu’r ymgyrch a streic gan ymwelwyr iechyd yng Nghymru i gael cyflog teg ar y band cyflog cywir sy’n cyd-fynd a’i sgiliau.

Mae ymwelwyr iechyd yn chwarae rhan hanfodol yn amddiffyn iechyd babanod newydd-anedig a’u rhieni. Ond maen nhw ar y band cyflog anghywir o ystyried eu sgiliau.

Mae gwleidyddion Llafur yn siarad llawer am gyflogau cyfartal ond mae gwastad yn gyflog cyfartal I LAWR i’r band cyflog isaf. Ac maen nhw’n gwrthod hyd yn oed cwrdd â’r ymwelwyr iechyd i drafod cyflogau teg.

Rydyn ni’n cefnogi dod â chyflogau’r ymwelwyr iechyd I FYNY i’r band cyflog cywir a thalu’r cyflog maen nhw’n ei haeddu.

Mae’r Blaid Sosialaidd yn sefyll yn yr etholiad hwn fel rhan o’r Glymblaid Undebwyr Llafur a Sosialwyr (TUSC).

Ni yw’r rhai sy’n arwain trwy uno’n gweithleoedd a chymunedau i ymgyrchu i gael yr hawliau a’r adnoddau sydd angen – i danseilio hiliaeth, bai a rhaniad.

Rydyn ni’n gwrthod derbyn bod rhaid i bobl dosbarth gweithiol, ein GIG a gwasanaethau cyhoeddus talu I ddatrys problemau’r hynod gyfoethog.

Rydyn ni’n ymgyrchu i gael yr undebau llafur – fel sefydliadau democrataidd sy’n cael eu harwain gan eu haelodau ac yn cynrychioli gweithwyr a chymunedau – I wahanu oddi wrth Lafur ac i adeiladu plaid newydd y dosbarth gweithiol.

Nid oes dewis arall ar y papur pleidleisio sy’n addo pleidleisio yn erbyn yr holl doriadau i’n GIG a’n gwasanaethau cyhoeddus.

Rhai o’r pethau mae TUSC Cymru yn sefyll drostynt...

• Ariannu’r GIG a gwasanaethau cyhoeddus eraill yn llawn yn gyhoeddus.
• Atal a gwrthdroi preifateiddio.
• Adeiladu Tai Cyngor mewn niferoedd mawr a rheoli rhent.
• Gwladoli nwy, trydan a dŵr i leihau biliau.
• Ail-wladoli’r rheilffyrdd, post a dur dan reolaeth ddemocrataidd y gweithwyr.
• Cael isafswm cyflog o £15 yr awr.
• Gwahardd contractau dim oriau a diswyddo ac ailgyflogi.
• Cael gwared â ffioedd dysgu.
• Na i ryfel! O blaid gweithredu undeb llafur ar raddfa eang i roi’r gorau i arfogi gwladwriaeth Israel.
• Brwydro i gael newid sosialaidd. Cymryd y cyfoeth oddi ar yr 1%.
• Mwy yn ein maniffesto

Ymgeiswyr

Mae John Williams yn weithiwr lletygarwch, ymgyrchydd LGBT+, ac yn gadeirydd Cangen Gyffredinol Caerdydd o’r undeb Unite.

Mae Helen Perriam yn nyrs ac yn aelod o’r undeb Unsain, sydd wedi gweld yn uniongyrchol beth mae toriadau a phreifateiddio Llafur a’r Torïaid wedi gwneud i’n GIG.

Mae Dave Bartlett yn ysgrifennydd Cyngor Undebau Llafur Caerdydd ac wedi arwain ymgyrch llwyddiannus I achub cyfleusterau iechyd yn Ysbyty Brenhinol Caerdydd.